Posted by a7med-Mado
on
21:23

سأعيش حر بلا قيود
وسأجعل لكلامنا حدود
بعد ما كان حبى بالأمس هو عهدى المنشود
وكان يشغل تفكيرى حتى أصابنى بالشرود
ولكنى سأعيش حر فقد مات الحب وسوف لا يعود
فأنا حر ولكنى لست موجود
فحر بلا حب كجنين صار مولود
لا يعلم سيبقى حر أم سيعيش مطرود
وكيف يعيش حر وهو بالحب موعود
Posted by a7med-Mado
on
21:21
عــــــذراً ســـيدتــى

عذراً سيدتى لم أقصد يوما أن أبقى بدونك
عذراً فسأترك عينى تنظر لعيونك
وسأبقى دوما أبحث عن كونى محبوبك
عذراً سيدتى إن كنت أقصر فى حقوقك
عذراً إن كنت إنشغلت عنكى بالتفكير فى دروبك
عذراً سيدتى إن كنت أفتش فى أسرارك
عذراً لم أقصد أن أبقى ظنونك
عذراً لن يكفينى ذلك بل سوف أشارك نفسك أحلامك
عذراً فأنا من ينتظر كل صباح شروقك
عذراً يا أحلى فتاة فى الكون فأنا من أحبك ليصونك
فهل تكفيكى تلك الأعذار لأكون أنا مجنونك
Posted by a7med-Mado
on
15:57

لا أعلم لماذا أشتاق
ولماذا يأخذنى الحنين إلى هذا الشوق
وماذا بعد شوقى وحنينى إلى ما أشتاق إلية
لا أعلم كيف أعبر عن ما أشعر به
من إحساس يراودنى لأمسك بقلمى فأكتب
ولا أعلم حين أكتب هذة المرة هل سأشعر براحة فى قلبى
حين أنتهى كل مرة من كتابتى
إشتياق وحنين إلى حب قد كان من سنين
إلى قلبى ليعود مثل ما كان وليس مثل ما صار حزين
إلى حبى وحبيبتى فلا يهمنى حب الأخرين
أتذكر حين إلتقينا وأتذكر حين أفترقنا
لقاء فى الحياة أعطانى أمل وفراق فيها أصابنى بالملل
وحب فيها لأنى أحبك هذا ما كان ولكن إنظرى ماذا أنا الأن
أيا من أحببتك وقد نسيتينى الم تعلمى أن حبك مازال فى قلبى وحنينى
وشوقى إليكى يقتلنى فعودى وحبينى أو إذكرى أيامنا سويا حين كنت تدعى أنك تحبينى
أيا من أحببتك هل تذكرتى أم تسألينى من أنت فلا تذكرى حتى إسمى فتبقينى
وأبقى من أجل ذكرى كانت من مرضى تشفينى ومن يأسى هى من للأمل تعطينى
على هامش أوراقى كتبت ومن أجل الحب بدأت ولأجل البقاء أؤمن بالفناء
Posted by a7med-Mado
on
12:06
بـحـبـك وحــشـتـيـنـى
.

دى مش الأغنية ولا دى كلمه واحدة عايز أقولها لحد
دول كلمتين معناهم كبير أوى عايز أقولهم لأكتر شخصين وقفوا جنبى فى حياتى
وبما إنى فى مدونتى الرومانسية عيشها بشكل تالت
ف الناس اللى أنا هتكلم عنهم دول أكتر إتنين رومانسيين شفتهم فى حياتى
ماهو الرومانسية والحب مش كلمة حبيب لحبيبة وبس
عايز أقول بحبك لأغلى وأحلى أم فى الدنيا
أمى اللى بحبها أوى ولو أطول أجيبلها الدنيا كلها وأقولها إختارى اللى إنتى عايزاه هعمل كدة
واللى يشوف كلامى ميشوفش اللى بعمله لما بكون زعلان أو متعصب معاها وهى بردة بتستحملنى علشان هى أم
مشفتش حد وقف جنبى وأنا تعبان أو مدايق زيها لما أكون تعبان وصاحى كانت بتبقى جنبى ولما بكون تعبان ونايم
كانت بتبقى صاحية مبتنامش علشان أنا تعبان
كانت بتخاف أصحى وأنا تعبان وهى نايمة وأقولها ماما أنا صحيت
كنت بصحى الاقيها مستتنيانى أقولها مالى كنت بحس إنها مستعدة تعمل أى حاجة علشان أبقى كويس
ضحت كتير أوى علشانى وإستحملت كتير فى سبيل إنى أبقى شخص كويس
كل دة كنت بتكلم بصيغة الماضى وبقول كانت وكنت
أمى حبيبتى ربنا يخليهالى لسة مستعدة تضحى بس أنا شايف إن أنا اللى لازم أضحى علشانها
كفاية أوى تضحية منها بجد محسيتش بقيمة أمى غير الفترة اللى فاتت دى لما كنت تعبان وبموت
هى بس اللى وقفت جنبى وإتحملت كتير علشانى وبردة كان بيحصلى مشاكل ومحدش كان بيقف جنبى غيرها
مهما إتكلمت عنها عارف إنى مش هوفيها حقها
بجد أنا بحمد ربنا إن دى مامتى وبقول ربنا يخليهالى وميحرمنيش منها أبدا
كفاية دعواتها ليا اللى أنا متأكد إن لولا الدعوات دى أنا كان زمانى مدمر
جزء من حقها عليا إنى أكتب عنها وليها
أخر حاجة عايزة أقولها ليكى يا أمى بحبك ومش هزعلك تانى وهضحى علشانك من إنهردة
دى كانت كلمة بحبك
كلمة وحشتينى عايز أقولها لأختى اللى وحشتنى أوى بجد
حد هيقول هو الأخ دة جاى يقول هنا فى المدونة بتاعتة لمامته ولأخته بحبك ووحشتينى
طيب ما يروح يقولهم هما ويخلصنا
أنا فعلا هروح أقول لمامتى بحبك
لكن وحشتينى بقولها لأختى اللى هى مش أختى بجد
يعنى إية مش أختك بجد دى كمان
الحكاية ببساطة وإختصار إنى عرفت حد من ع النت اللى هو زى أى وسيله تعارف
ودايما بقول الكلمة دى النت وسيله تعارف زى وسيلة المواصلات زى الشارع زى أى حاجة
الشخص اللى بنقابله فى النت هو نفس الشخص اللى بنقابله فى الحقيقة
مش هتكلم فى الموضوع دة دلوقتى
بس هتكلم فى اللى عايز أتكلم فيه
وهو إنى عرفت بنت البنت دى أنا حبيتها جدا بجد أوى زى ( أختى )
الحب زى ما قلت مش حب حبيب لحبيتة بس
والمشاعر والأحاسيس نبض من قلب لقلب حسب نوع الحب
الصدفة الغريبة إن البنت دى كان إسمها نفس إسم أختى
المهم إن البنت دى كان حد بيفهمنى أوى وأنا كمان كنت بفهمة كان بيحسنى قبل ما أتكلم
كان بيقف جنبى لما كنت بكون مدايق أو مخنوق أو مش لاقى حد أحكيله
كتير مننا عايشين مع ناس كتير فى بيتهم ومش بيلاقوا حد يحكيله
بيضطر يحكى لنفسة أو يهرب من الموقف علشان مش لاقى حد يحكيله
يمكن زمان أنا كنت كدة قبل ما أعرف أكتب وأعبر عن إحساسى
بس بردة الكتابة مش كل حاجة
مبتخرجش كل اللى جوايا
البنت دى هى الشخص الوحيد اللى كان يعرف أسرارى ومقدرش أقول إنى كنت أعرف كل حاجة عنها
ساعات كانت بتخبى عنى حاجات ومبترضاش تحكيها
بس لما كانت بتبقى زعلانة كنت بحس بيها
ماهو مينفعش يبقى حب من طرف واحد علشان مفيش حاجة إسمها كدة
مفيش حاجة إسمها شخص يحبنى ويحسنى وأنا مش حاسس بيه
وحشنى أوى صوتها وكلامها ودحكتها
علشان هى أختى اللى بحبها
وحشنى حكايتها وإنى أحكيلها
وحشنى سكوتها وإنى أسكت معاها
وحشتينى أوى يا أحلى أخت فى الدنيا
يارب تكونى مبسوطة فى حياتك
بجد مفتقدك أوى ومفتقد مشاعر الأخوة اللى محسيتهاش مع حد غيرك
بحبك يا أمى وحشتينى يا أختى
Posted by a7med-Mado
on
23:00
ســـأرحـــل ولــكـن

بــــــعــد أن قــــــــــررت الــــرحـــيـــل
ســـألت قــلـبى فــأجـبـنـى مسـتـحــــيــل
أن تـــرحل مــن الـــدنيا بــقــلب عـلـيـل
أو تــــبـقــى ذكــــرى لـــشـىء جــمــيـل
بـــــعـــد أن عــــشـت عـــمـرا طــويــــل
ومـــا أخــــــذت غـــــــــيــر الـقـــلـيــــل
ســــأرحـــل ولــــكــن
قــــــررت أن أرحــــــــــــــل بــــعـــــيـــــــد
إلــى دنــــيـا لــــيـس فـيـها مــلاك أو عـبـيـد
قــال لـى قـــلــبـى سأعــــــــطـيـك الـمـــزيــد
أو ربــــــــــــــمــــا كـــــل ماتــــــــــــريـــــد
وســــــــأجـــعـــلـك إنـــــسانـا ســــــعـــيــــد
ولــــن تـبـقى فى هــذة الدنــيا وحـــــــيــــــد
ســــأرحـــل ولــــكــن
قــــــــررت الـــــــــرحــــــــيــــل الآن
وتــمـنـيـت أن يـقـــف الــــزمـــــــان
ولـــكــــن مازالـــــــــت الأحـــــــــزان
تـــــطــاردنــى فـــى كـــــــل مـــــكـان
قال لـى قــلـبـى سأعــــطـيـك الأمـــــان
وســأجــعــلـك قــويـا ولــسـت بـجـبـان
ســــأرحـــل ولــــكــن
ســـيــظـــل قــــلـبـى مـــوعـــود
بــــطـــريـق آخــــرة مـــســدود
ومـــــازلــت أنــا مـــوجــــــــود
وقـد أصــاب عــــقـلى الجــمــود
وقرر قـلبى الرحــيل ولــن يـعـود
وأنا مـن سـيـبـقى حـر بـلا قـيود
ســـأرحـــل ولــكـن
Posted by a7med-Mado
on
23:40

حبيبتى
قررت أن أكتب إليكى فأمسكت بقلمى لأكتب
فوجدته يهرب منى كعادتة حين يعرف أننى ساكتب عنكى أو إليكى
لا أعلم لماذا ولكنى هذة المرة تركتة وقررت أن أكتب بقلبى
قررت أن أكتب إليكى عبارات لم أكتبها من قبل
فبحثت بين الكلمات لم أجد سوى الصمت
ليس لأنى كتبت فيكى كل العبارات وليس لأن كلمات الحب إنتهت
ولكنى حين بحثت لم أجد منها ما يعبر عن ما أريد أن أكتبة بقلبى وليس بقلمى
عبارات الحب التى يبحث عنها الناس لا تعبر عن ما فى قلبى من إحساس
والمشاعر التى بداخلى لا تملك الكلمات أن تعبر عنها
الإشتياق الرهيب لأن أراكى والشعور الغريب الذى يجتاح أحشائى
والقلب الذى يترقب ويعترف بأنه يعشق
وأنا معكى ولكى بكل كيانى
حبيبتى
أدركت أن الحياة بدونك مستحيله
وأنها أصبحت بعد لقاكى فقط جميله
أدركت أن الأيام قبل لقاكى كانت طويله
وبعد رؤياكى أصبحت تمر كالسحاب فى السماء فى الظلام فى الليل فى الشتاء هل أراها ؟
أدركت انى لا أعشق سواكى ولا أملك سواكى ولن أبقى فى هذة الحياة إلا لكى أراكى
فلا أريد الحياة بعد رؤياكى كى تبقى صورتك داخل قلبى الذى يكتب إليكى كلماتى
وسأكتب على قبرى أحبك يا حياتى
Posted by a7med-Mado
on
22:39

كنت خايف أكون بحلم وعلشان كدة سألتها فى الحلم هو أنا بحلم ولا صاحى قالتلى صاحى وأنا جنبك ومعاك
يااااااااااااااااااااااااااا من زمان أوى محلمتش حلم جميل بقالى فترة بحلم بكوابيس وحااجات نكد وخناقات ومشاكل
بس إمبارح حلمت بيها وعمرى ما هنسى الحلم دة
مش هقدر أوصف جمالها ولا أقوله فى كلام
سيبكوا بئة من الكلام اللى بيتقال قمر بالليل وشمس بالنهار وحلوة وجميلة وملاك والحاجات دى كلها لأ لأ
مكنتش كدة خالص
كانت زى مانا كنت شايفها ولسة صورتها فى خيالى معتقدش هقدر أنساها
كانت عارفة إنى زعلان منها علشان كدة فى البداية صالحتنى وأنا كالعادة وعلشان قلبى طيب وكبير سامحتها
بس هى قلبها بردة طيب وحنين وكبير وعلشان كدة حبيتها
مش هقدر أنسى لما عينى جت فى عينها كانوا بيقولوا لبعض أحلى كلام
أول مرة إمبارح فى الحلم أعرف إن العيون ليها لغة ميعرفهاش غير اللى بيحبوا بعض
سكوتها فى الحلم وهدوئها كانت حاجة متوقعة بس إبتسامتها خلتنى أروح فى عالم تانى
خلتنى أحس إننا ............................
مش عارف بس بجد مش هقدر أوصف الإحساس اللى حسيتة
بس اللى مش هقدر أوصفة أكتر لمسة إيديها وكلامها ليا
الكلمة اللى كان نفسى من زمان أوى أسمعها قالتهالى بأحلى صوت سمعته فى حياتى
بنظرة من عينيها مع الكلمه تهت وبقيت فى عالم تانى
أنا تقريبا متكلمتش فى الحلم دة غير 5 كلمات
إزيك ووحشتينى وبحبك ولية و .......................
........ دة إسمها اللى بعد ما قلته لقيت حد بيصحينى وبيقولى هتفطر ولا تكمل الحلم
حاسس أصلا لحد دلوقتى إنى لسة بحلم وخايف تكون حياتى كلها مجرد حلم
حديث شريف