حــلـمـ

حـلـم شــفـتـة قـــبــل ما أشــــــــــوفــــــها
قــلــت أســـــيـبـها مـــعــــاها بـــظـروفـها
كـــنــت حـــاســـس أه بــــخــــوفــــــــها
وكــنــت شـــايـــفـة كــمـان فـى عـيـونـها
وعلشان حبيتها بجد عمرى ماكنت هخونها

حــلـمـ

حـــلــم كــنـت بــحــلـم بـيـة زمــــان
وشـــفــتــها فــــى نـــفـــس الـمــكان
وعــلـشــــان أنا طـــيـب وغـــلـبـــان
قـالـــت عـلـيـا أنـانــى ومـــش إنـسان
وبكيت عليها وعليا والشاهد هو الزمان


حــلـمـ

كـنـت فــاكـــرة حــلــم ومـــش كابـــــوس
وصــــحـيـت بـبـص فـــى الـقـــامـــــوس
قالوا الحب دلوقتى بياخــدوة فــى الدروس
ولــقــيــت عــلــيـا الــكــل بــيــــــــــدوس
علشان بقول الحب إحساس أو شىء ملموس

حــلـمـ

كالــعـادة مــجـــرد حــلم
وقــلــب حـاسـس بـظـلـم
وكــأنـة نــفــس الـفـيـلــم
نـفــس الـــبـدايـة للـعـلـم
لــكـن الـــنـهـــايـة حـلـم

جربت وحسيت بس عمرى مانسيت

القلب اللى حبيتة وفى يوم علية بكيت

فكرت ولقيتنى غلطان وعمرى ماوفيت

لنفسى حـقها ورجـعـت تانى بــكـيـت

يارتـنى فـكـرت فـى نـهاية الــبـدايـة

قـــبل مــاتـبـتـدى وتكــون حـــكــاية

قبل ماتنتهى وتــبـقـى مـاضى جــوايــا

فـــــكـرت أعـــيـش مـــن تـانى بــجـد

فـــكــــرت أكــــون مـــش أى حـــد

أخـــدت الـــقــرار وبـــدأت الـمشوار

هـــعــيـش حـياتى وهـنـسى أى حـوار

ــــــــــــــــــــــــــــــــــــــــــــــــــــ


حـــسيت مـــرة إنـك خايف أو عايش بس مش شايف

حسيت مرة إنك مجروح وصوتك كان جواك مدبوح

حــسيت مرة إنـك ناسى وقـلـبك كـان فى يـــوم قاسى

حسيت مرة إنك عايز تعيش بقلب غير قلبك ولقيت مفيش

حسيت مرة إنك عايز تفكر ولقيتك مش عــارف تـقــرر

حسيت مرة إنك عايز تختار ولقيتك من جـــواك مــحـتار

ــــــــــــــــــــــــــــــــــــــــــــــــــــــــــــــــــــــــــــ

جربت تحب بقلبك جربت تفارق نفسك

جربـــت تكون إنسان

جربت تعيش فى مكان لوحدك ويقف الزمان

جربت تقول أنا ميت وتبطل تلعب وتشيت

جربت متبقاش أنانى وتحب الناس من تانى

جرب وأنا معاك هجرب من تانى

وإفتكر إن الحب مش كلام فى أغانى

جربت تحب إتنين

وقلبك كان قاسى سنين

ولا حبيت بجد وقلبك كان نصة شوق والنص التانى حنين

بعد مرور أكتر من سنة تقريبا بس مش عارف سنة وكام شهر بظبط

المهم إنى قررت إنى أعمل عيد ميلاد للمدونة دى بس طبعا مش هيبقى زى أى عيد ميلاد

أنا هتكلم عن المدونة شوية فى الأول علشان المدونة دى ليها فضل كبير عليا أوى

فى إنى بكتب فيها الكلام اللى مكنتش بقدر أكتبة زمان

يمكن كنت بكتب كلام على ورق بس كانت نهايتة فى الزبالة

ولما قررت أدخل عالم التدوين فى البداية عملت مدونة إسمها تخاريف حريف

كنت بنقل فيها مواضيع من منتديات أو من مواقع بس طبعا مكنتش بنقل أى كلام وخلاص

كنت بنقل حاجات ليها معنى وأهداف

بس بعد كدة فكرت فى الكلام اللى كنت بكتبة على ورق وبيترمى فى الزبالة

وقررت إنى أكتب هنا فى المدونة كل اللى أنا حاسس بية واللى أنا شايفة صح أو من وجهة نظرى صح

فى ناس كتير قالتلى إنى كلامى كويس ويمكن فى ناس إنتقدت كلامى

كنت بفرح أوى لما الناس تقولى كلامك كويس بس كنت بفرح أكتر لما حد بينتقدنى

عارفين لية ؟؟؟

هو دة موضوع إنهردة اللى حبيت أكتبة فى عيد ميلاد مدونتى

عيشها بشكل تالت دة إسم المدونة اللى إختارتة من زمان واللى إن شاء الله مش هغيرة

بعد ماعملت مدونة تانية إسمها أحلام واقعية

عيشها بشكل تالت مدونة رومانسية بتكلم فيها عن المشاكل العاطفية

والمواضيع الرومانسية من وجهة نظرى الشخصية

كتير من الناس مستغربة من الإسم وفى كمان اللى بيتريق على الإسم

فى ناس قالت هو إحنا عيشناها بالشكل التانى علشان نعيشها بالشكل التالت

أنا شخصيا مش بقولك عيشها بالشكل التانى ولا التالت أنا بقول عيشها زى مانت شايفها

فى ناس قالتلى مايمكن أنا شايفها غلط

جاوبت وقلتلة بظبط كدة إنت رديت على نفسك ومش محتاج إنى أجاوب عليك

عيشها زى مانت شايفها بس المهم تكون شايفها صح

وكمان كنت عملت توبيك إسمة عيشها زى مانت شايفها موجود فى مدونة أحلام واقعية

وبإختصار كتبت فى الحياة زى مانا شايفة من وجهة نظرى

الحياة زى مانا شايفها

واسعة جدا بس ديقة أوى

كبيرة جدا بس صغيرة أوى

وحشة أوى بس حلوة للى يفهمها

الحياة

أشكال وألوان

أبيض وإسود وبمبى كمان

غنى وفقير وطيب وغلبان

لحد دلوقتى مجاوبتش على سؤال

لية أنا بفرح أوى لما حد بينتقدنى أكتر من فرحتى لما حد بيقولى إنت كويس ؟؟

الكدب والمجاملة وعلشان أنا مش دايما صح ومش أنا لوحدى اللى مش صح كلنا بنغلط ؟

دول 3 حاجات لازم أتكلم عنهم بس مش هتكلم عنهم إنهردة لكن إن شاء الله قريب أوى هتشوفوا التوبيك دة

أتمنى إن المدونة تكون عجباكم وإن الكلام اللى بقولة فيها ميبقاش مجرد كلام وخلاص وإننا نستفيد منها

وأتمنى كمان إن المدونة الجديدة تكون عجباكم واللى ميعرفش اللينك بتاعها هو دة

www.a7med-7amdy.blogspot.com

لو بتحب حد خليك دايما أونلين ولو كرهتة إعمله بلوك مش أوفلين

كلام زمان قلتة وكنت بتكلم ع الميل قصدى إنى كنت بقول الكلام دة فى الأونلين والأوفلين ع الميل

بس لما فكرت شوية فى الكلام لقيت إنة ماينفعش يبقى أوفلين واونلين على ميل بس


لو بتحب حد

لازم تبيقى قدام عينية على طول حتى لو إنت مش قدامة

لازم تبقى فى قلبة ومفيش غيرك فية

لازم تبقى طول الوقت أونلين لحبيبك وتبين لة مشاعرك وحبك مش تبقى مجرد كلمة بتقولها

لو فعلا بقيت أونلين يبقى لازم حبيبك هو كمان يبقى أونلين ماينفعش أونلين من طرف واحد

ولو حصل دة بتبقى أنانية من شخص مش مقدر معنى الحب أو مش عارفة معناه بس هو عندة إحتياج للحب

وفى فرق كبير أوى بين الحب والإحتياج للحب

لما تلاقى نفسك طول الوقت أونلين قدام حبيبك وهو ساكت مبيتكلمش ولما تقولة أنا هقفل يتكلم دة مش إسمة حب

دة إسمة إحتياج للحب

هو حس إن فى حاجة هتضيع من إيدة هو عايزها تبقى بتاعتة أو عايز يحس بحبها علشان هو فى إحتياج للحب

لكن لو هو فعلا بيحبها هيبقى طول الوقت أونلين ويتكلم معاها

وزى ماقلت مش قصدى ع الميل قصدى الأون والأوف فى حياتنا

يعنى لو حبيبك كان طول الوقت مشغول ومش بيفكر فيك

طبعا إنت هتزعل وممكن تبعتلة مسج ( مش قصدى مسج ع الفون ) قصدى تعمل أى حاجة تخلية يفكر فيك

فى الوقت دة بس هو إفتكر إن هو قال لحد إنة بيحبة بس مش علشان هو بيحبة لأ علشان هو عندة إحتياج للحب دة

الحب اللى بجد إن الطرفين يبقى كل واحد فيهم حاسس إن مفيش حد فى قلب اللى بيحبة أو شاغل تفكيرة غير الطرف التانى

طيب ولو كرهنا الحد دة

وعلى فكرة محدش بيكرة حد حبة بجد ( بجد ) لكن لو مش بجد بئة ممكن يكرهه

لكن بقول لو عايز تنسى اللى حبيتة بجد لازم تعملة بلوك مش تبقى أوفلين بس أو ديليت

علشان تعيش حياة جديدة لازم تنسى الماضى زى ماهو نسيك

لازم تفكر إن اليوم اللى عدى مش هيرجع
واليوم اللى جاى هيعدى
واليوم اللى إنت فية هو حياتك اللى ممكن تبقى ماضى وممكن تبقى مستقبل

يجب أن ننسى الماضى ونفارقة
ونعيش اليوم ولا نعانقة
وننتظر الغد ولا نوافقة حتى نعيشة ونسكنة

كــــــــلام مــــن الـقـلب

أكتب الأن ولا أعرف لماذا أمسكت بقلمى فى هذة اللحظة

التى ترتعش فيها يداى خوفا من الكتابة

وفى هذة اللحظة الذى ينبض قلبى فيها خوفا من أن ينبض وفى لحظة يتوقف

وحينها سوف ينتهى كل شىء

سوف ينتهى الماضى الذى لم أحقق فية شىء من أحلامى

وسوف ينتهى الحاضر الذى حلمت فية بأن أحقق مالم أحققة بالأمس

وسوف ينتهى المستقبل الذى لم أستطيع الوصول إلية

الآن

نعم الآن

توقف قلبى عن النبض ولكن لم يتوقف قلمى عن الكتابة

فأنا مازلت أكتب ولكن أكتب بحبر دمى الذى ينزف من قلبى الذى توقف عن النبض

ليس لأننى قد مت ولكن لأننى قد فارقت

فارقت من أحب ولا أعلم لماذا فارقتها

لا

بل إننى أعلم ولكنى أحاول الهروب من الحقيقة

التى كنت أتمنى الموت خوفا من أن تحدث فى يوما من الأيام وأنا مازلت على قيد الحياة

ولكن فى هذة اللحظة صرخت وبكيت

ثم تحاورت مع نفسى فقلت

يانفسى لماذا أحببتى من فارقك

قالت وهل أنا من أحببت

قلت لها ومن إذا ؟؟؟

قالت إنه قلبك المسكين

قلت لها ولماذا وافقتى على أن يفعل هذا ؟؟

فأجبتنى حين يعرف القلب الحب لايرى أمامة شىء ولايسمع صوت أحد

قلت لها وماذا أفعل الأن ؟؟

قالت الأن قلبك ينزف ولا أحد يشعر بك فلماذا كل هذا الحزن والألم والدموع

وفجــــــــــأة

أحسست بقلبى ينبض من جديد وبقلمى قد أصبح سعيد

لقد عرف قلبى طريق جديد للوصول إلى الحب القريب وليس البعيد

نعم إن هناك من يحبنى وينتظر أن أبادلة نفس الشعور

ولماذا أجعله حزين وأنا أيضا كذلك وهناك شخص أخر مسرور

وفى هذة اللحظة سمعت تغريد الطيور وقد جاء إلى أحلى عصفور

وهمس إلى إنى أحبك وقد مرت على عصور

فقلت له ولماذ لم تقل لى ذلك من قبل قال لقد رأيتك تعشق حتى ظننت أنة قد أصابك الغرور

فقلت له ياعصفور يا أجمل الطيور أنا لك ملك يديك

خذنى إلى قفصك الأن

وأعطنى قدرا من الحنان

وستجدنى بين يديك إنسان

وسأعطيك ما أملك من الأمان

مكـــنـش حــــــب

مكنش حـب دة كان إعـجـاب
حـــسيـت مـعـــاها بالعــذاب
فارقت من غير كلمة عتــاب
نسيت فى يوم إن إحنا أحباب

مكـــنـش حــــــب

مكنش حب دة كان كلام
أخدت معاها كل الأحلام
مكنش حب دة كان أوهام
مشيت من غير كلمة سلام


مكـــنـش حــــــب

مكنش حــب وكان وهــم كـبير
كنت فاكــر إنة الحــب الأخـير
أو إنى معاها هبقى سمو الأمير
أو هبقى ملك مش مجرد أسيـر