إنـت بـتـحـلـم يا حـلـمـى ولا دة حـلـمـك : بـقـلمـ / أحـــمــد حـــمـــدى
إنـت بـتـحـلــم يا حــلــمـى ولا دة حـــلـمـك : بـــقـــلـــم أحـــمــد حــلــمـى
لا لا لا لا إستنوا أحمد حلمى مين أنا صحيت من النوم قصدى
أحمد حمدى طبعا مش مهم أغير عنوان التوبيك
هو إية اللى حصل
آه صح أنا هكتب موضوع
طيب هتكلم عن إية
هو أنا فين
فى مدونتى عيشها بشكل التالت اللى بتتكلم عن الرومانسية
يبقى أكيد هتكلم عن الحب
ندخل فى الموضوع على طول علشان أنا مش بحب الرغى
كتير مننا إتكلموا عن الحب
فى مننا اللى إتكلموا عن الحب بقلم غيرهم بس وصفوا إحساسهم
وفى مننا اللى إتكلموا عن الحب بقلمهم بس من غير إحساس
وفى مننا اللى إتكلموا عن الحب بقلمهم ووصفوا بية إحساسهم
الكلام اللى فات دة كلة مش فى الموضوع خالص على فكرة بس أنا حبيت أرغى فى الحب
شوية قبل مادخل فى الموضوع
أنا هسأل 3 أسئلة ومحتاج منكم الرد عليهم ؟؟؟
ياترى ياهل ترى حد فيكم مرة قبل ماينام أكل كتير
وبعدين وهو نايم حب فى قصة حب
أو فيلم كان هو بطلة وبطلة الفيلم كانت البنت اللى بيتمناها أو بيرسمها فى خيالة ؟؟؟؟
وطبعا مش هحكى قصة الفيلم لإن الأفلام العربى كلها شبة بعض
طيب ولو حصل دة بعد مابتصحى من النوم بتعمل إية ؟؟؟
دة كان أول سؤال
السؤال التانى
لو دة حصل فى الحقيقة هتعمل إية
يعنى لو حبيت فى قصة حب بردة جميلة وفى الأخر إكتشفت إن دة كان حلم جميل وصحيت منة
مش مهم صحيت إزاى ولا مين اللى صحاك المهم إن إنت صحيت
بردة السؤال لو دة حصل هتعمل إية ؟؟؟؟؟؟؟
السؤال التالت ؟؟ مش الثالث
إنت بتحلم ياحلمى ولا دة حلمك اللى عايز توصلة ؟؟؟؟
لو حد فهم حاجة ياريت يقولى ويجاوب على الأسئلة